Բժշկական ապահովագրություն

Կարևորելով բժշկական ապահովագրության ոլորտի զարգացումը ՀՀ-ում՝ «Աստղիկ» ԲԿ-ում ստեղծվել և գործում է բժշկական ապահովագրության ծառայությունը, որը սերտ համագործակցում է ինչպես Հայաստանի տեղական, այնպես էլ միջազգային ապահովագրական ընկերությունների հետ:

Բժշկական ապահովագրության շրջանակներում Հայաստանի հազարավոր քաղաքացիներ հնարավորություն ունեն «Աստղիկ» ԲԿ-ում ստանալ խորհրդատվություն, անցնել ամբուլատոր հետազոտություն՝ հաջորդող ամբուլատոր/ստացիոնար բուժմամբ:

«Աստղիկ» ԲԿ-ի ապահովագրական ծառայության աշխատակիցների և ապահովագրական ընկերությունների աշխատողների համատեղ համակարգված աշխատանքը հնարավորություն է տալիս հաշված րոպեների ընթացքում կազմակերպել հիվանդների հետազոտությունը և սկսել նրանց բուժումը:

«Աստղիկ» բկ-ում բժշկական ապահովագրություն ունեցող անձանց ցուցաբերվում է անհատական մոտեցում՝

-հիվանդը զերծ է մնում թղթաբանական գործընթացներից,
-սպասարկվում է ծառայության համար նախատեսված առանձին զննման սենյակում,
-ախտորոշիչ և լաբորատոր հետազոտությունների պատասխանները ստանում է անմիջապես ծառայության աշխատակցից։

Պլանային այցի ժամանակ հիվանդը պետք է նախապես կապ հաստատի ապահովագրական ընկերության հետ, ձևակերպի հայտարարություն, ապա ուղեգրվի կլինիկա:

Անհետաձգելի դեպքերում նա անմիջապես դիմում է բժշկական կենտրոն:

Ապահովագրված անձն իրավունք ունի ընտրել այն բժշկական հաստատությունը, որտեղ նա ցանկանում է անցնել հետազոտություն կամ բուժում:

«Աստղիկ» բկ-ում բժշկական ապահովագրության ծառայությունը սպասարկում է նաև սոցիալական փաթեթի շահառուներին, ովքեր հնարավորություն ունեն օրենքով սահմանված կարգով ստանալ անվճար ախտորոշիչ և բուժծառայություններ։

Սոցիալական փաթեթի շահառուները պլանային կարգով կլինիկա դիմելիս պետք է ներկայացնեն.

• անձնագիր,
• հավաստագիր,
• ուղեգիր ամբուլատոր-պոլիկլինիկական հաստատությունից /ձև N1/,
• սոց. փաթեթի ակտիվացման մասին տեղեկանք։

Անհետաձգելի դեպքերում սոց. փաթեթի շահառուն պետք է անմիջապես դիմի բժշկական կենտրոն, ստանա անհրաժեշտ բուժում, իսկ ընթացքում ներկայացնի համապատասխան փաստաթղթերը:

Հեռախոս՝ (060) 65-10-91, (060) 65-12-88, (060) 65-12-31

Բժշկական ապահովագրության ծառայության  ղեկավար` Արմեն Ռուդոլֆի  Մուրադյան

ՍՈՑՓԱԹԵԹԻ ՇԱՀԱՌՈՒՆԵՐԻ ՍՊԱՍԱՐԿՈՒՄ